«Мұхаррам» айы мен «Ашура» күні қасиетті дінімізде қала берді діндер тарихында ерекше орынға ие. Хадис кітаптарында бұл күннің «Ашура» деп аталуының тағы бір сыры бұл күні Алла Тағала он пайғамбарға он түрлі сый берген деседі. Олар: 1. Мұса ﴾а.с.﴿ пайғамбардың мұғжизасы. Ол осы күні теңізді жарып шығып,  Перғаунды әскерімен қоса теңізге батырады. 2. Нұх ﴾а.с.﴿ пайғамбар кемесін Жуди тауының үстіне осы күні тіреген. 3. Юнус ﴾а.с.﴿ пайғамбар балық ішінен осы күні құтылған. 4. Адам ﴾а.с.﴿ пайғамбардың тәубесі осы күні қабыл болған. 5. Юсуф ﴾а.с.﴿...

Ассалаумағалейкүм, ағайын! 2014 жылдың 15 мамырында Марфуға Шапиян есімді қолданушының "Қазақта кім бар еді Құнанбайдай?" деген тақырыппен құнды мақаласы жарияланған еді. "Шәкәрімнің анасы кім болған?" атты мақала да көпшіліктің ыстық ықыласымен оқылғаны есімізде. Осы тәрізді тұшымды дүниелер, құнды зерттеулер көп болғай! Жоғарыда аталған Құнанбай жөніндегі мақалаға пікір жазушылардың бірі "Абай жолы" романының авторы Мұхтар Омарханұлы Әуезов пен Құнанбайдың көркем бейнесі турасында жақсы ой айтқан еді. Үзінді келтірейік: "шебер жазушы Құнанбайды қанша қатал етіп...

Бөлек шығар өз отауым, есігім, Әнмен тербеп келіншегім бесігін. Аман болсын таласатын ағайын Мен қоям деп бөпешімнің есімін.   Жеңіл болар әр қатаның жарасы, Тұрғанында үлкендердің батасы. Аман болсын бәйек болып бағатын Бөпешімнің апасы мен атасы.   Сонда болар туысқанның төресі, Сонда болар жақындықтың өресі. Күн де туар нағашысы сарылып, Құшақ жайып қарсы алатын бөлесі.   Бұл өмірдің өлшенбейтін бағасы, Өзгесінен биік, асқақ, дарасы – Аман болсын бәрінен де бөпемнің Түн ұйқысын төрт бөлетін мамасы.

Шаттығыңды жалғайтындай шаттыққа, Бағытыңды бұратындай бақ-құтқа, Қуанғанда табылатын қасыңнан, Айнымайтын адал досты таптық па?!   Шерің болса көкіріктен тарқайтын, Кір қалдырмай көңіліңді сарқа айтып. Досың бар ма мөлдіреген ой берер, Мейіріңді өсіретін марқайтып?!   Қаптатқанда қара дауыл бұлтын көк, Қара ормандай көтерілер біртіндеп, Алмағайып заман туса абайсыз, Атқа мінер досың бар ма "ұлтым" деп?! ...

Бұйырмаса, бұйырмасын бақ-дәулет – Анам барда айтылатын жыр-ән көп. Анам барда бақыттымын, асқақпын, Анам барда асқақ тұтас бір әулет.   Аман болсын "Ана" деген бар адам, Бұдан өзге мен Алладан сұраман!   Бұйырмаса, бұйырмасын хан сарай – Жарым барда үзілмеген үмітім. Жарым барда жазылады жыр талай, Жарым барда қажырлымын, күштімін.   Алла қуат берсін бізге, ағайын, Әйелдердің қамдайтұғын күтімін!   Бұйырмаса, бұйырмасын қазына – Қарындасым бір қызығы өмірдің. Тағдырыма болсын қандай базына, Ол жан барда гүлдеп тұрса көңілім?! ...